下星期又凍啦

大家知嘛,下星期開始又凍返啦~

媽咪一聽到就嘭嘭聲衝去買左兩件保暖背心仔比我地著~

不過....貓地咁好肉地,唔怕凍o架,你都係比埋細佬著啦
墨:no way,早兩日係你打嚏嚏呀

柑:嘖.....貓地果日有少少鼻敏感之嘛

墨:唔得呀,一陣你地凍親點算呀~
睇醫生又要食藥藥,no way呀,乖乖地著多件衫好過啦~

墨:我已經特登買背心比你地,你唔多like有袖衫嘛~
呢件保暖得黎又唔影響你走黎走去~算唔錯啦~

柑:唔駛著就最好

喜:點解我訓o係床都要著衫??

墨:(一路掃喜喜下巴仔,睇佢幾lum)你仲好講,訓成日都唔起身
驚你凍呀,咪要著衫囉~

喜:車,我都訓o係床又有被,你點會驚我凍呀~

喜:凍咪唔起身囉,我又唔駛返工:p
墨:.......................

喜:最後都係比媽咪抱左出廳,佢話要我郁動下喎~

喜:呵呵~~~~~~~~~~~~~~~~~~

喜:欠欠~~~~~~~~

喜:睬佢都傻,換個地點再訓過


墨:大家記住,買左衫衫比貓地之後,記得要洗左先好比佢地著呀~
d衫衫由工廠到petshop好污糟,又唔知用咩染料,都係洗洗安全d~

大家放心,柑喜已經好返啦,不過就到柑喜媽又感冒了
又發燒,星期六睇左醫生,好返d,不過個人仲係好攰咁........
感冒未清,個人聞舵舵咁都係早d訓好d..........

金堅呀~

hehe~呢隻可愛又嗲o既大肥貓貓叫金堅呀

係墨屋企附近一間家品店o既貓貓~
超肥超可愛,據金堅媽媽所講,金堅有成17 lbs 重呀

佢係超超友善o既招財貓~
點解咁講??
因為墨一叫佢~~金堅~~
佢就"吉"起patpat等我摸佢~
肚腩仔仲任摸唔嬲添

一路摸一路咕~
可愛到連柑喜爹都忍唔住摸埋一份(柑喜爹平時除左柑喜,唔係成日摸其他貓貓的:p)
仲一路讚佢好乖(緊係啦,阿柑係唔會比佢咁摸的)

而金堅媽媽就o係一邊數落金堅偏心~
佢話係客人摸金堅,佢先會咁lum o架~媽媽摸唔會的
呵呵,原來金堅都有dd少爺仔脾氣,會蝦媽咪呢~


金堅媽媽見過柑喜o既相相都讚兩兄弟好靚仔~
又叫柑喜媽好好照顧佢地,一定啦,大家都係愛貓人~
加上呢間家品店服務非常好,又有金堅坐陣,墨成日都去幫襯o架~

這算是歧視嗎??

喜:尋日媽咪去同我地買背心仔呀~
因為用胸帶唔得,我們自己可以整得甩,唔安全~

柑:點解我都要用??

墨:因為你係最快自己除甩條胸帶果個呀

不過話時話,媽咪你今次又買得幾o岩身喎~
除唔甩o既=.=

墨:..........緊係啦,就係要你地自己除唔甩,我先買咋~

柑:......媽咪真係麻煩,又買埋呢d野
墨:仲好講,我去買果陣,直頭覺得我地比人歧視添呀

喜:邊個咁大膽歧視我地

墨:直頭冇禮貌添呀佢~
因為我買果陣特價,唔o岩都冇得換~
咁我咪諗住問清楚囉~
問個店員,你地著衫著14 &16瑪
呢兩件背心係 ss 同 md size,問佢o岩唔o岩
佢唔識就算啦,問我你地係咩狗?
我話係貓,唔係狗~
佢一聽就話only for dog, 貓唔o岩.....
我問我d貓都係咁o既size,有咩唔o岩??
佢話貓有好強伸縮性,點都會自己走到出黎......(而家真係當你地係橡膠公仔咩.....)
之後我又問,咁背心唔得,可以著咩??

佢答我:咩都唔得...
有冇搞錯.....咁仲唔係歧視我地......

喜:吓?!佢咁都得,咁媽咪你最後點呀??
墨:我最後都係買左,証明我眼光冇錯囉,你地著左上身都整唔甩
其實我不滿o既係果位sale哥哥o既態度,唔知唔緊要,唔好亂講呀~
之後仲唔再理我同柑喜爹

喜:咁.......即係話貓都著得啦~個sale哥哥記住啦~
貓地冇錯身體係比狗狗柔軟少少,不過我地唔係橡膠做o架~
背心仔,衫仔都好,只要買o岩size,我地都著得o架~
知道冇

 

 

喜喜情況update:今日又有少少痾啦~
所以禁食12小時,今晚再觀察~
如果一兩日都仲有痾就要去睇醫生...
件背心仔就要出動啦~

樹上英姿

聖誕的時候,柑喜家換左新樹樹~
不過其實新樹樹同舊樹樹o既層板位置好唔同
所以柑喜要重新適應新樹樹o既上落路線


想知佢地適應成點??


see

墨:柑,你覺得新樹樹點呀??
而家上落仲有冇問題???

柑:媽咪,你有眼睇啦~
緊係ok啦~
擺多幾個pose比你睇都仲得呀~

墨:我個仔好型呀!!!

柑而家可以上落得好好啦~

仲晚晚都要o係上面訓添~
有時就o係床陪我訓~好乖仔

我好鍾意由下向上望柑喜~
感覺好特別

哇....媽咪,你仲影緊呀....

唔好再影啦~我要落黎啦~

我唏~
墨:柑真係向住柑喜媽方向跳落黎o架,不過係降落o係我身邊,真叻仔



墨:喜喜已經好返d啦~
冇肚痾,不過仲有貓嘔(一日一次左右),唔知係阿柑定阿喜~
睇黎同遲d都要同兩個小朋友做個詳細o既身體檢查啦~