多謝柑喜爹

柑喜媽下個星期就生日啦

柑喜爹係今年第一個送生日禮物比我o既

柑:哇~爹地都幾大手筆bor

墨:多謝柑喜爹,份禮物我好鍾意呀

喜:爹地敗家,留返d錢錢買罐罐比貓地仲好啦

柑:大家估唔估到份禮物係咩呢

hehe~~估唔到

等我食埋豬腳仔

聽日先話你地知

當係柑喜媽生日同大家玩個小遊戲~
邊個最快估到份禮物係咩o既,我地會送出"柑喜棒"一支作為禮物

氹媽咪開心

話說柑喜兩個見媽咪最近好似有d唔開心~
呢兩個好孝順o既小朋友就一齊諗下點樣氹媽咪開心

柑:不如我地打場交比媽咪睇呀~睇完佢一定會開心返
喜:嗯咁好啦~

喜:不過事先聲明,唔准打面o架
柑:ok

於是佢地就開始打啦~

柑:(推膊頭)咩呀

喜:(推番哥哥)咩呀~做咩推我呀

柑:推你咪推你囉~(一個錯手叉埋頸添)

喜:我咬你呀啦

柑:咬你個頭

柑:(失左手,一野車左埋細佬度)
喜:哎呀

仲打完一邊又打另一邊添

喜:喂~咪講好左唔打面o架咩
柑:一時錯手啫,sorry囉
喜:下次唔搵你打啦,你好奸茅

 

柑喜:媽咪,睇完有冇開心d啦
墨:睇完好開心,多謝哂你地o既表演,乖仔,鍚哂你地

簡單的快樂

最近情緒低落...所以weekend柑喜爹話要同我去散散心
本來係打算同柑喜爹去郊外行下,不過落雨所以就取消左
而又o岩o岩經過太子,就去貓館 食tea啦~
對住貓貓可能仲開心d

同貓貓玩,比柑喜爹偷影到添

好鍾意佢呆呆o既貓樣,好可愛呀

嗲到暈喔

上下格床~訓得好lum呀

會等客o既店貓

點左咖啡
我o既係焦糖咖啡
柑喜爹o既愛爾蘭甜酒咖啡(第一次聽呢隻口味)
兩款都好好味喔

仲有好多貓貓書,可以一路食一路睇書,同貓貓玩

兩份tea set~
我的士多啤梨窩夫(食甜野真係會開心d o架)
柑喜爹的鴨胸天使麵

靚靚貓貓杯墊

hehe~食食下有貓出黎~梗要玩玩啦

柑喜鍾意o既玩具,貓貓都好like

食完之後去貓貓房繼續玩

呢個貓貓咕o臣好靚呀~
好鍾意,好想買喔,有冇人知邊度有得賣呀

又一隻嗲嗲貓

好奇怪~好多貓貓都好鍾意柑喜媽o既背囊
究竟有咩特別呢??

兩隻貓地都好八

呢個小朋友好爛玩,不停纏住我地玩

貓貓:好好玩呀

 

 

上星期o既情緒嚇親大家~而家我好返好多啦
多謝大家o既關心