各就各位

各就各位~準備......

大覺訓

柑:媽咪快d啦~等埋你呀
墨:係係係~黎啦


我可愛o既柑喜baby,係我醫治每星期一次 monday blue o既靈藥~
好有效的哦,希望都可以令大家o係blue blue monday入面開心一d啦

冬季的裝備

為左要準備一份特大o既聖誕禮物送比柑喜
柑喜媽今年冇錢買新床床比柑喜過冬呀
(柑喜:車~媽咪又黎啦,其實係佢次次買果d床我地都唔訓,所以爹地唔比佢再買)

不過話哂冬天,點都要有d表示
就整左間冬季小屋比柑喜啦
(今次係爹地o既手工哦)

柑:o係間吉屋入面,感覺好空虛
柑喜爹話間屋入面得紙皮,柑喜訓得唔舒服~

咁柑喜媽就親手縫左個愛心墊墊比柑喜~
一面係毛毛面,暖笠笠

一面就係布面,o岩哂秋天訓呀

一整好,喜喜即刻閃入去試訓啦

喜:嗯~唔錯

好舒服呀~

訓著左lu

珠豬的告白 & 柑喜的反應

墨:柑呀~珠豬呢,佢頭先o係個blog度向你表白呀~
柑:o下?!咩話,真o架~佢真係話鍾意我
墨:真o架,唔信你自己睇下啦

柑:咦~係真o架喎~
珠豬又靚又乖女,我都好鍾意佢呀~

柑:珠豬,其實我都好鍾意你o架~
咁不如我地試下拍拖啦


大家黎睇下我新抱仔,珠豬啦~
佢又靚又嗲又乖女~
真係迷死人啦

好靚女呀~
柑喜媽一向恨女,無奈短期內唔可以再加貓~
珠豬你就做我半邊女啦



當一切睇起黎都好似好美滿o既時候........

喜:(大受打擊)珠豬...你講係o架,你真係鍾意我哥??
我都好鍾意食野,好鍾意跳高,我都可以同你一齊上冷氣機頂o架~

我同哥哥唔同style~
不過我都好靚仔呀~

柑:今次麻煩啦~我同細佬又鍾意埋同一個女仔添~
點算好啦,要兄弟定要女朋友好

率先陣亡

上星期天氣開始轉涼~
貓地由枕頭移到被入面訓~

暖笠笠,好舒服~

不過媽咪都唔知點搞o既~
天氣涼左又唔著多件衫...
而家搞到感冒啦....

今日仲病到返唔到工,要請假o係屋企訓....

柑:不過媽咪,你感冒可以証明一件事~
墨:(感冒ing,個人溫溫鈍鈍)係咩呀??
柑:(哈哈,媽咪中計)就係,俗語話,笨蛋唔會感冒呀XDD
可見你都未蠢得哂
墨:........................

估唔到天氣一轉,柑喜媽就冇用地率先陣亡左......
感冒病到屎屎下.....工都返唔到=.=
咁o岩柑喜婆婆又去旅行,今晚唯有請柑喜爹買粥過黎比我食~


大家都要小心身體呀,唔好感親哦~

落枕的原因

落枕,廣東話又叫訓歪頸....
人如果落枕的話...是很痛的

做貓真好~不會有這樣的問題
怎樣睡都可以~

 

不過.........

仔呀,你咁樣訓,你唔會訓歪頸
阿媽會o架....
你成個枕頭霸哂,我點訓呀

 

最近天氣涼左,喜開始上床訓囉~
好sweet,不過可唔可以分返半個枕頭比我呀