柑喜貓草排行榜

柑喜除左食之外,對其他用品都好挑剔,今日我就介紹下貓喜o既貓草(會令貓地開心果d)唔係小麥草呀~

柑喜二少o既現役貓草
NO.1 PETIO木天蓼果實(柑喜至愛,唔係好多地方有得賣,次次柑喜食完,我都要四圍搵)
NO.2 都係木天蓼果實,不過個樣有少少唔同,係cattyman出品,仲有隻老鼠仔送,柑柑超級鍾意果隻小鼠o架~
NO.3  catnip,(品種唔係好清楚,柑柑都會食,不過唔多high)
NO.4 都係catnip,都係得柑柑食,都係唔多high
右下角: 貓草波波&木天蓼棒棒,柑喜鍾意程度一般,玩過一兩次就失寵了
最右面果支係貓雪茄,(logon 買的)入面全是catnip,一買果陣好重味,柑喜都唔太like,而家味道散左d,先鍾意~之前都有講過
最後係左上角係原支catnip同柑喜媽特製愛心喵草寶寶.....只可惜,冇貓愛.....

喜:媽咪你買咁多貓草,係咪想貓地同哥哥日日都做迷幻少年呀
墨:唔係你地兩個奄奄尖尖,我駛買埋咁多比你地揀

喜:車......自己敗家就敗家啦~咁都有得賴貓地o既

掃把貓?!

哈哈哈~新出品呀~掃把貓(柑喜爹影o既,佢話似足個大掃把喎)

喜:咦,有隻咩o係我個貓隧道入面呀
唔得,我要守衛我個隧道先得~

柑:出黎食個飯先

喜:好機會~衝呀~

柑:咦~你做咩霸左我個隧道呀,比返我

兩個小朋友又爭啦~
haha~佢地日日都係咁,唔爭過唔開心唔安樂

美味貓罐罐

乍看之下~呢個罐罐同柑喜平時食開o既冇咩大分別
不過呢,其實內有乾坤
柑柑超超鍾意o架


登登係咪好特別呢
柑柑鍾意到捉住我隻手唔比我拎走佢個寶貝罐罐
柑:媽咪,你唔好郁黎郁去啦~拎好d比貓地食


柑:唔好拎到咁高啦~


柑:咁就o岩啦~好好味


正呀~


大大啖咬先


柑柑好似兔仔呀


柑:仲可以清潔大牙~


好味到唔停得口呀


柑:大家都快d開罐比貓地試下啦



墨:我覺得有d貓罐罐真係好靚靚,貓地食完就掉好似有d可惜~
就試下用黎做其他用途,hehe~都幾好呀,柑柑超鍾意
食d草草對腸胃好o架
喜喜呢,由細到大都唔係好like貓草~

信任

唔知大家有冇d咩係只會/只敢對自家o既貓貓做??
柑喜媽有~
除柑喜以外,我從不敢將瞼湊近其他貓貓,有養貓o既都知,手腳比貓咬到都ok~
不過瞼/唇被咬到係超超超痛的
所以我唔敢對唔熟悉o既貓貓做呢d事....
不過對柑喜,我信,我信佢地唔忍心咬落黎,我信佢地唔捨得咬傷我,就如同我一樣
如果估計錯左,真係咬落黎,咁點算
可以點算,咪比佢咬囉比自己個仔咬點都心甘命抵一d呀


另一樣就係share一杯水,我只敢對柑喜咁做
柑柑好鍾意,只要一見我拎起隻杯,佢就衝過黎要一齊飲
柑喜婆婆覺得唔係咁好,但係我唔介意
當然對象只限柑喜


今日同柑喜抹身梳毛剪甲甲,柑柑超唔like,有fee同咬柑喜爹不過我一抱佢,佢就算唔like,唔鍾意,一路鬧人都好...佢都冇fee我咬我超乖仔~
因為佢信我唔會害佢,有佢o既信任,我真係好開心

最近我感覺到,柑喜對我有點唔同左
柑柑一向大脾氣,唔高興就咬人,而近來,佢抱住我隻手想一啖咬落黎果陣,會猶豫一下,好似唔捨得咬咁
就算真係咬,都冇左之前咁狠,細力左好多,咬完仲會lam返我
而喜喜呢,一向好乖仔,不過就成日比哥哥蝦,近來我留意到,佢有時會追返哥哥轉頭
有自信左,我信係因為佢開始知我對佢o既愛,同對柑柑一樣(好耐之前墨好偏心,鍚先黎屋企o既柑柑多d)
所以開始任性左,我個人好like貓貓任性,反斗(因為係受寵,被愛o既貓貓先會ga)

大家又有冇一d只同自家貓寶貝做o既親密行為呢,大家一齊share下呀