柑柑尿道炎,喜喜就痾嘔
再加上柑喜o既牙仔真的不太好(都係媽咪懶,冇勤力幫柑喜擦牙仔
)再再加上,柑喜媽o既憂患意識又滿蒲頭...
我的柑再過12天就5歲了,我認...我真的又驚了.....
自喜喜上次痾嘔後,柑喜家陸續增添了一點supplement
由左到右 排毒抗衰老 , 潔牙的oral噴噴(真的真的捨不得送柑喜去洗牙
)海草粉粉(對毛毛 & 腸道有益,為腸胃不太好的喜喜而買的)
貓用消化酵素(味道不錯哦,柑喜都愛食)
柑:哇....媽咪,你屎唔屎買咁多呀
我鍾意食抗衰老粒粒
hehe,柑真係好鍾意,當零食咁咬,不過太硬咬唔到,要整碎撈罐罐(一次一貓半粒,一星期兩次
)上面本來寫一日一次,一次一粒,不過柑喜仲算young,所以可以食少d~
柑:咦........至憎呢支oral噴噴呀
其實我覺得呢支ok o架,(我親身試過,噴牙,涼涼地,少少薄荷味
)因為呢隻可以溶牙石,而家市面上的,好多只可以預防牙石咋~不過柑喜唔太愛,但係為健康,我會堅持日日都用,不過唔會直接噴,會噴落手指同佢地搽~
而草草粉同消化酵素就加落乾乾,日日食~
柑喜小朋友的毛毛滑左,便便亦有毛毛排出(喜喜好討厭食吐毛膏的,所以呢個o岩哂佢)
而餵柑喜食supplement的時候,柑喜爹娘有少少分歧,柑喜爹唔想小朋友食太多supplement,唔想佢地好似成日要食藥咁,唔想柑喜唔開心,亦唔想我太擔心.....
而柑喜媽就希望,適量o既 supplement可以令柑喜健康d,唔通真係等老左先黎補身咩
不過同意唔應該令柑喜唔開心,所以全部supplement都係撈乾乾撈罐罐食~
貓地開心,爹娘又唔屎煩,皆大歡喜
沒有留言:
發佈留言