坐監生涯

柑:日日困o係房,好悶呀
好彩媽咪返到黎會同我玩啫

柑:吼!!!裝修師傅你咁慢手皺腳~我好悶呀~
再係慢吞吞o既話,我咬屎你

或者拍薑咁拍扁你

媽咪呀~幾時先可以出廳玩呀

柑:我無自由,我失自由......
傷心痛心我眼淚流

唱完歌,做完戲...
又開始屎面啦

喜喜呢......悶到攤o係地下發呆.....

喜:好想呀~我要出去呀

喜喜不停咁o係地下扭黎扭去.....

不過留意,同平時唔同,喜喜全程都冇好面色...
連呢個最冇脾氣o既小朋友都炆成咁...

喜:媽咪,仲要幾耐呀
墨:等個師傅搞掂,之後仲要大清潔完先可以呀

喜:我憎死你呀~慢手慢腳....拖住黎做

 

o係柑喜日哦夜哦之下...終於完工
不過仲要大抹.....
so...柑柑電屎人o既眼神又出現啦

柑:媽咪........

柑:都整好啦~我想出去玩呀

見媽咪未有動作,開始出聲鬧人啦
聽唔聽到呀~本大少要出去呀!!!!

鬧一陣又嗲一陣....
好想好想出去玩呀

 

okok急急腳大清潔完,兩位少爺終於o係尋晚11點放監
仲以為貓地平時多數都係訓....可以o係房訓足一日~
不過佢地憎o既係比人困住,冇自主o既情況下~
兩個小朋友嬲到屎

 

為左令佢地坐監果陣冇咁悶,
早幾日,柑喜爹同柑喜媽又去敗家,帶左d小玩具比佢地...
o係一堆新舊玩具入面,大家認唔認到邊樣係新玩具