柑喜媽o既妄想

柑喜的頂天貓樹,一直都好受柑喜歡迎~成日都會o係上面訓,玩,睇風景
不過唯一一個地方冇貓吼o既就係...
張相入面放左好多野果個軟兜....

為左再試下柑喜係咪真係唔鍾意..
我特登清哂入面d野~再請柑喜入去試試

see~喜喜坐得好定喎

仲識望鏡頭添,好可愛呀

實情係.....上面o既都係柑喜媽o既妄想

喜喜急急腳咁想出返黎

喜:走呀~我唔要o係入面呀

咁阿柑呢

一張定定地o既相都影唔到

一放佢入去就即走......

柑:哈哈哈我係唔會比你擺佈o既~
我地唔鍾意呢個軟兜兜呀
你都係用返黎擺野好啦

 

墨:一直都好羨慕大家o既貓貓鍾意訓d軟淋淋o既地方
偏偏柑喜就唔鍾意
果d睇落去好舒服o既吊床...軟兜...大咕o臣...柑喜統統都唔鍾意
貓床o既軟墊太淋,我就要換個硬身d o既先有貓訓
到而家柑喜最愛o既貓床都只係佢地個藤籃仔...同我張床...
咁算係同我慳返d買貓床o既錢錢嗎