媽咪的辛勞

柑喜兩兄弟鍾意o既玩具完全唔一樣~
柑柑至愛果支天然火雞毛o既毛毛棒
喜喜就至鍾意佢支心愛o既電筒仔
大家都只係鍾意自己果樣,一定唔會玩對方果種
玩o既玩具唔同,不過玩o既時間就一樣,都係夜晚臨訓前...

所以晚晚臨訓前就會見到我好忙咁一手拎毛毛棒,一手拎電筒咁同柑喜玩
一陣阿喜要追撲光點~

佢玩得好認真o架

仲會跳得好高添

阿柑睇左一陣,就喵喵叫
要玩毛毛棒~

抓呀抓~

睇返之前影果d~
阿柑都玩得好肉緊o架

表達吞毛毛棒

哎呀~"線"腳添

 

墨:柑喜呢兩個小朋友o既喜好真係好唔同..
當我同緊一個玩o既時候,另一個就算唔玩都會望實
望到我同佢玩佢鍾意o既game為止
所以一到夜晚,我屋企就成日出現我一個拎住兩樣玩具
一陣氹下阿柑玩,一陣又要同阿喜玩o既場面
加上醫生話要做多d運動,減肥嘛~
我相信我地三個都一齊減緊

阿喜:做得我地媽咪,就預左要咁o架啦~
我同哥哥係兩個唔同o既小朋友,鍾意o既野唔一同有咩出奇喎~

除左玩,柑喜食野果方面都好唔同o架,下次再比大家睇下~
大家o既小朋友又係咪咁唔一樣o既呢