令貓地認真的大事,除左食,應該都係...
yes~廁所
星期日同柑喜大洗廁所,換過哂d新貓砂(因為潮濕,所以貓廁所有"噏"味)
二少喜喜好敏感,廁所唔乾淨唔肯乖乖地去的
一換完新貓砂,都未拎返入房,喜喜就忍唔住衝入去剪綵
左聞聞右聞聞,冇噏味啦,可以去囉
hehe~次次睇到喜喜一面認真咁去廁所就忍唔住想笑
留意下喜喜去廁所係兩隻手手加一隻腳仔撻住廁所o既邊邊
得一隻腳仔o係廁所入面咋
喜:媽咪,你咁都影到落手...我服左你啦
柑柑呢~
等喜喜完成廁所大事之後,墨搬返廁所入房
一set好位,柑柑都走入去辦事囉
hahahaha~柑柑個樣都超認真的
好可愛喔
柑:你咪影啦
煩鬼住哂
同場加影:
柑喜二少係用呢款貓砂的~
好"襟"用o架,可以用個幾兩個月
佢地都咁鍾意企係條邊度痾既~~
回覆刪除哈哈~~柑柑個樣真係超認真~~好好笑~ 貓地係好鍾意乾淨架，BoyMui珠又係，廁所唔乾淨寧願忍都唔去的...
回覆刪除係唔係松木砂呀? 咁襟用!? 幾錢幾重呢? 我用個隻8L要$40左右
回覆刪除無湘 係呀~我都唔知點解 佢地由細到大都係咁去廁所o架 可能再加上我用左呢隻松木砂,有少少"吉"腳,佢地都好少踩落d貓砂度... 豬榮 BoyMui珠乖,係死忍唔去~ 個廁所有味果陣,阿喜係會痾便便o係廁所門口抗議o架 キャット 係松木砂 你貓地用woody cat?? 柑喜之前都係用woody cat 其實都抵用,$40 8L 用到一個月多d 不過我覺得d砂好"吉"手,又好多粉 先同柑喜轉cat country 而家呢隻$99 20lbs 柑喜用貓砂用得好"襟",呢盒都用左個幾月,都仲有半盒 同一牌子仲有一款係用稻草做的,宣稱可以防止尿道感染 柑喜用完呢包,我就會改買果款
回覆刪除Longlong都用緊類似的松木貓沙, 都可以用到成個月的nei
回覆刪除我地貓地用best cat + 小麥沙
回覆刪除佢地個樣好認真！好搞笑！見到咁樣真係好好笑！ 我曾經換呢隻架！不過muimui就走去食...= = 用過好多唔同款的！最後而家就改左水晶沙，感覺清潔點，沒塵，帶砂出黎都少點！
回覆刪除ㄚ旺用高貴的豆腐沙，好肉赤!旺旺好浪費，D沙有點點味道，就去出界，所以六-七天就換一次新沙。一包豆腐沙可以用3星期。好貴ㄚ!唯有自己不買新衣服，去少幾次街囉!
回覆刪除睇柑喜就知係熟手技工，我亞旺佢去親臭臭都要set好耐位，響個盤入面氹氹轉笑死你
回覆刪除我o的貓都係用松木砂ga, 不過唔係呢個牌子, 幾好ga 真係, 幾襟用!
回覆刪除咦,你呢隻係結砂定係好似松木砂咁, wet咗會變粉係晒個底度架?? 我都想搵d又經濟, 又結, 又對貓無害, 但又唔會攪到屋企沙灘嘅貓砂呀~~~
回覆刪除咦? 呢隻沙可唔可以沖落 toilet 呀? 結唔結? 又會唔會變粉呢?
回覆刪除咦..呢隻砂同cat best advance版有d似....唔知除左襟用...仲吸唔吸味架呢
回覆刪除mine love to use the bathroom when i just finished cleaning up....
回覆刪除abebe 係呀~呢種砂真係好"襟"用~ 用過咁多隻,最"襟"就係呢隻 喵喵公仔 兩隻一齊用?三貓可以用幾耐 柑喜好易帶哂d砂出黎~所以我而家會揀d大大粒o既 BoyMui珠迦媽 o下 muimui鍾意食木砂... 柑喜咩砂都唔食~水晶砂用過呀,不過好似搞到貓地手腳好乾燥~ 同埋會積o係盆底~ mao 之前柑喜都用豆腐砂~ 不過唔"襟"用~兩貓用得半個月~一包都幾貴呀~ 而且都有帶出黎,所以都係轉 鹹濕、為食、無膽貓 係呀~連坐底lam肚腩都要轉幾個圈~ 好好笑o架 肥腩媽 係呀~好"襟"用~ rheavv 呢隻唔結o架,遇尿會變粉~ 你o既要求"又經濟, 又結, 又對貓無害, 但又唔會攪到屋企沙灘嘅貓砂" 佢都中左3樣 我遲d會改用草本砂~用法一樣,不過標榜防止尿道感染 nanaleele 呢隻砂遇尿會變粉~ 寫明可以沖落廁所,都幾環保呀 泡泡 吸味我覺得ok~ 不過如果天氣潮濕就會有噏味...要間唔中換哂d砂先得 Southern Gal hehe~貓地鍾意乾淨呀嘛 我柑喜都係o架,一清完就"拿拿林"去o架啦
回覆刪除呢隻係唔係會變粉架, 你未要用有"西"的廁所囉, 唔係都唔知點洗哦~
回覆刪除兩隻貓...毛色好健康
回覆刪除我原來係用CAT'S BEST 既松木砂架, 松木砂真係最冇異味架
回覆刪除