柑喜出巡實錄

柑喜爹同兩位大少出巡~
睇下柑喜爹o既裝備仲揹左把超大o既雨傘(有咩事就用黎遮左柑喜先)
爹地真偉大

等待中o既兩位大少爺~
好驚驚呀

 

o係候診其間有好多大狗狗o係度
柑喜媽忙住安撫兩位少爺,冇影相.....
搞左好耐,終於睇完啦...

柑喜二少打道回府囉

可能係太驚驚,又可能係診所有太多唔同o既氣味
柑喜返到屋企之後就博命舔返d味落自己度~

柑:唔~仲要舔幾耐先舔返哂d味呀

點呀~媽咪,頭先醫生叔叔點講呀??
係咪話我同細佬好fit呢

墨:唔係bor~
醫生話你地兩個偏重呀,要控制食量,減零食
d牙仔唔係太好,遲d可能要洗牙仔呀

咩話~要減零食,又要控制食量?!
遲d仲要洗牙?!我唔制呀
墨:唔到你唔制...
醫生話太肥唔健康,雖然你唔係over好多,不過都要控制下啦,唔係遲d就好難減o架啦
而洗牙仔方面,都要o架啦,再大d (over 5歲),全身麻醉要先驗血,而且我都唔放心呢

不過醫生話柑喜而家都好健康,係重左少少,牙仔污糟左dd,注意下就可以囉

睇下柑喜出巡o既裝備~二少出街專用車車~

今日成32度高溫~
柑喜媽特別用毛巾包住三大舊雪種,放入車車比柑喜清暑用

多謝大家關心呀,今日同柑喜去睇醫生打預防針都好順利
雖然好熱,不過好好彩冇落雨
醫生又話柑喜好健康,好開心呀
雖然要控制食量,不過柑喜媽返到屋企都仲係開左個ciao湯包慰勞柑喜算係皆大歡喜啦