柑喜消暑篇(下)

上篇blog講到爹地送左電剪比喜喜做生日禮物~
係因為冇用媽咪淨係用較剪剪果陣,剪得慢,柑喜都唔耐煩......
喜喜脾氣好,可以忍耐比媽咪剪,仲影到相相添~

喜喜:媽咪,你小心d呀~剪好d,唔好剪到我一忽忽呀~

之後仲要婆婆幫埋手~
喜喜:喂喂喂~你地睇住我呀~

柑:嘩~好大堆毛呀全部都o係細佬身上剪落黎~
細佬,你幾時變左做綿羊

喜喜:哼~得戚得你呀....一陣就輪到你啦

 

 

墨:柑柑o既耐性比喜喜低好多,所以媽咪同婆婆要雞手鴨腳咁快快搞掂,所以...冇影到相
之後用電剪再剪,hehe~都係冇影到~
所以我地就直接睇成果啦~

see~喜喜肚下面果一大執毛已剪短囉~

柑:媽咪,電剪係細佬份生日禮物,點解我都要用呀
墨:傻仔,細佬咁"鍚"你,佢話有咩野,兩兄弟冇計啦一齊用仲開心

柑:超我先唔要佢咁樣"鍚"我呀~
你又剷得衰,搞到我個肚仔d毛一忽忽(留意柑柑個肚腩仔)
墨:邊個叫你郁黎郁去喎~咁要快就梗係有少少瑕疵啦

柑:哼~搞到我唔靚仔啦而家~
我嬲你呀

 

 

柑喜媽用後感:我覺得果款電剪真係唔錯呢~
好靜,好快,有膠殼套住刀頭(一黎可以教長度,二黎防止整親貓地)
都唔算好貴(大約$35x 左右,9折左)
而家柑柑喜喜就可以清清爽爽迎夏日囉
仔呀,你唔好嬲,媽咪再練好d技術,下次同你飛個靚仔look