食量之控制

上篇講到柑喜要控制食量~
於是墨睇返柑喜包乾乾上面o既指示....

上面寫住:10-14lbs o既貓貓,一日大約應該食1/2 - 1 1/4(即半杯到一杯多d)

咁墨就開始用量杯量下應該食幾多
助護哥哥話要減返少少,因為柑喜有食零食,要o係正餐度減返dd

量好柑喜一日要食o既份量,就用密實盒入好(提醒屋企人,餵柑喜就要餵盒入面果d)

柑:媽咪,以後都要咁樣呀
好麻煩喎~夠唔夠我地食o架,一陣餓親貓地點算好

柑:爹地呀,你出聲話下媽咪啦~佢咁樣有dd唔貓道喎

柑喜爹:冇法子啦~醫生話要減o架嘛~
唔好咁啦~至多爹地呵返

柑:(仍然o係度掙扎ing)爹地呀,冇野食好慘o架~
你都知肚仔餓幾辛苦o架啦
柑喜爹:

墨:你地兩個咪o係度唱雙簧啦~
呢度係個指標之嘛,係一日大約食幾多,又唔係真係唔比你地食
仲有呀....

呢度d糧,你地都唔係日日食得哂有時仲有剩o係度添呀!!

柑:咩喎~咁你又要減貓地零食
墨:(見阿仔喊,即心軟)唔好咁啦~減少少咋嘛~
你地而家仲日日都有食零食喎
(每朝早我返工前,放左工返屋企,臨訓前,刷牙剪甲甲梳毛等厭惡性工作後,我都會比零食柑喜)
其實都算成日有得食啦...
不過份量係比之前少左d...
至多咁啦...以後媽咪陪你地,一齊食少d零食,咁得啦掛
柑:....算你啦....咁爹地都冇得食
柑喜爹:又關我事.....

 

 

墨:其實而家好用緊好輕鬆o既方法用柑喜減肥(其實都唔太算減,都係控制下啫)
零食...冇得講..一定要減...唔為體重都要顧下d牙仔..好壞牙o架
貓糧...都係有個標準,等我可以清楚柑喜一日食幾多糧,以前就咁倒比佢地食,真係唔知食左幾多
日日都玩,做多d運動,對身體好呀
希望下次再去醫生叔叔度,唔會再比人話啦