柑喜世界杯

由柑喜媽旁述

首先係白衫o既球員帶波~

佢大腳(手?)一 撥....

個波比紅衫o既球員截到~

佢一路控住個波~

去到禁區~準備起腳(手?)射啦.....

哎呀~個波比白衫球員一截
跟住佢大口一咬(個波入面d乾乾...)

柑:媽咪呀~你咪無聊啦~乜你見過人踢波著棒球衫咩
我地只不過係想食個波波入面果d貓糧咋

hehe~就係呢個波波啦~其實係一個扭蛋(揀圓形o既會好d),開左個窿,入面放d柑喜鍾意o既貓糧~
佢地一路撥個波波,就會一路食跌上黎o既貓糧~次次都好耐心,玩到d糧食唒為止~
咁樣柑喜就玩得好開心啦(平時佢地唔會玩波波o架)
而且佢地至少會乖上半個鐘頭,唔搞搞震
仲有,其實柑喜媽係唔睇波o既,所以旁述得唔好,大家唔好見怪

 

柑喜媽已經好返好多啦,多謝大家關心