有樣學樣兩兄弟

柑:一日,媽咪同我著左件厚外套~
大佬呀~而家咩天氣呀~邊駛著咁厚,熱死喵咩

於是,我就用凌厲o既死光眼,諗住逼媽咪醒水,幫我除左佢~
不過我媽咪一向蠢到不得了~唔識睇貓地d眉頭眼額(或者扮唔知)

我轉頭一睇,連細佬都有份,同屎面攻擊+死光眼~

細佬,算吧啦~媽咪不嬲都係咁~
貓地自力救濟算啦~
好啦~阿哥而家要傳授你除衫秘技~
你要睇清楚呀~

首先,向後退,整鬆少少先~
之後整甩一邊,跟住好快就成件除落黎啦~
see搞掂

最後,不屑咁望一眼手下敗將~
再慢慢洗下手,整理下~

喜:阿哥好勁呀,我學識啦~

首先,整鬆少少~

一甩~搞掂

再擰轉頭,啤件衫一眼~

就係咁,喜喜就學識左柑柑o既除衫秘技....
o係果日之前,喜喜係唔識自己除衫o架~
而柑柑就最叻自己除衫=.=件外套就算扣埋扭,阿柑都除到o架~
全程我都只係負責影相,見證阿喜學識除衫秘技
呢兩個仔,好o既唔學,淨係學埋呢d o野~
阿柑,你唔好大教壞細呀
平時又唔見你地咁fd~
阿喜,除衫秘技你睇阿哥做一次就識~
哥哥其他好野又唔見你學得咁快~